Мэдээ мэдээлэл

Автомашин үйлдвэрлэгчид шинэ загварт нэр өгөхдөө ирээдүйн амжилтыг нь бодож их нухацтай ханддаг. Toyota-н зарим загварын нэрсний агуулгыг сонирхъё:
Allion- All in one буюу бүгд нэг дор, цогц
Alphard- Огторгуйн хамгийн тод Альфа од
Altezza- Хамгийн дээд, өндөр (Итали)
Avalon- Диваажингийн цэцэрлэг. Артур хааныг оршуулсан газар гэж кельтийн домогт гардаг
Axio- Үнэт зүйл (Грек)
Blizzard- Цасан шуурга (Англи)
Brevis- Эрэлхэг, зоримог, баатарлаг (Англи хэлний brave үгнээс гаралтай)
Camry- Титэм (Япон)
Celica- Тэнгэрийн, бурханы (Испани)
Chaser- Анчин, мөрч (Англи)
Crown- Титэм (Англи)
Estima- Хүндэтгэл хүлээсэн (Англи хэлний estimable үгнээс гаралтай)
Gaia- Газар, дэлхийн бурхан (Грек)
Harrier- Анч шувуу сар (Англи)
Hiace- Өндөр зэрэглэлийн мэргэжилтэн (Англи хэлний high, ace үгнүүдээс гаралтай)
Hilux- Өндөр зэрэглэл, ангилал (Англи)
Kluger- Ухаантай, мэргэн (Герман)
Land Cruiser- Газрын хөлөг онгоц, крейсер (Англи)
Prado- Өвст нуга, тал (Португали)
Nadia- Найдвар (Орос), Надя- эмэгтэй хүний нэр
Prius- Бусдын урд, түрүүнд, хөтлөгч (Латин)
Raum- Зай, талбай (Герман )
Verossa- Улаан үнэн (Итали хэлний Vero + Rosso)
Vitz- Авьяслаг, хурц ухаантай (Герман)
Windom- Ялагч (Англи)
Wish- Хүсэл (Англи)

- Асуулт: Lexus LX570, Lexus RX350 байна уу? 
Хариулт: Бид Lexus-н дилер биш тул тусгай дүрэм журмын дагуу, хязгаартай нөхцлөөр, цөөн тоогоор урьдчилж захиалга авч үйлдвэрлүүлж, нийлүүлэх боломжтой байдаг.
- Асуулт: Банкны зээлийн нөхцөл сайжрах уу?
Хариулт: Одоогийн хүрсэн түвшин болох Хүү 1.3%, урьдчилгаа 10%, хугацаа 8 жил, зээл олголтын шимтгэл 0 төг нөхцөл нь зах зээлийн өнөөгийн нөхцөл байдалд дахин сайжрах ямар ч боломжгүй, тулсан түвшинд байгаа.

Асуулт 4. LC300 хэзээ гарах вэ? Мэдээлэл байна уу?

Хариулт: Шинэ загвар ямар нэршилтэйгээр хэзээ ирэх эсэх албан ёсны мэдээлэл бидэнд байхгүй ба дилерт мэдээлэл 6-12 сарын өмнө ирдэг. 2018, 2019 онд ирэх автомашинууд дээр хэзээ, ямар түвшний өөрчлөлт орох хуваарь 2018 оны эхэнд ирсэн ба энэ дотор LC200-н Full model change өөрчлөлт байхгүй байгаа. Бид албан ёсны мэдээлэл авсан даруйдаа хэрэглэгчиддээ мэдээлэл түгээж урьдчилсан захиалгаа авна. Одоогоор 10-р сард Improvement өөрчлөлт хийгдэж ирэх автомашинууд дээр Наадмаас хойш захиалга аваад явж байна. 
Мөн RAV4-н Full model change өөрчлөлт хийгдэх тухай албан ёсны мэдээллийн дагуу бид хавар 3-р сарын сүүлээр New-York Motor Show дээрээс хэрэглэгчиддээ зарласан, өөрчлөлт хийгдсэн автомашинууд 2019.01-р сард ирнэ. 
LC200-н шинэ загвар гарна гэж зарим байгууллага, хувь хүмүүс өмнө нь ташаа мэдээлэл олон удаа цацаж байсан ба тухайлбал 2017.09.12-ны Frankfurt Motor Show дээр зарлагдах LC Prado 150-н Facelift өөрчлөлттэй андуурагдаж зарлагдаж байсаныг бид үгүйсгэж show-ны өмнө залруулж байсан. Дэлхий даяар 2017 оны эхнээс уул уурхайн түүхий эдийн үнэ өсөж эхэлсэн ба LC200 автомашины эрэлт өндөр, үйлдвэрээс олдоц бага байгаа, мөн үүн дээр 10-р сард ирэх автомашинууд дээр хийгдэх improvement өөрчлөлт нэмэрлэж үйлдвэрт захиалсан тооноос эрс танагдаж байгаа.

Үзүүлэлт:

Хөдөлгүүрийн төрөл: 6 цилиндр 4.2L
Хөдөлгүүрийн багтаамж: 4,164сс
Дээд хүчин чадал(МХ/э.мин): 96 Kw( 130/3800)
Дээд эргүүлэх хүч (Кг/э.мин): 285/2200
Хурдны хайрцаг: 5 шатлалт механик
Шатахууны төрөл: Дизель
Шатахууны савны багтаамж: 130 л
Дээд хурд: 150 км/ц
Дугуйн хэмжээ: 265/70/R16C
Тэнхлэг: Урд хамаарах / Хойд хамаарах
Суудлын тоо: 9
эйр кондишн / халаалтын систем урд
Үйлдвэрийн баталгаа: 3 жил буюу 100,000 км

1. Дизель хөдөлгүүртэй загварууд бензин хөдөлгүүртэй загваруудын адил салоны цахилгаан халаагуур буюу PTC heater-тэй болсон
2. Арын нэмэлт нөөц дугуйг 4 загвараас хасуулсан
3. Хөнгөн цагаан дөрвөлжин ачаа 1 загвараас хасуулж, механик хурдны хайрцагтай 2 загварт үлдээсэн
4. VX diesel high загварыг агаарын хоолой буюу snorkel-гүй болгосон
5. VX.R кузов өргөгч, намсгагчтай загварыг шинээр оруулж ирж, одоогоор 124 ш-г борлуулаад байна
6. Үйлдвэрлэгчийн баталгааг 100,000 км / 3 жил болгосон
7. GX.R V6 хөдөлгүүртэй, автомат хурдны хайрцагтай загвар шинээр оруулж ирж, одоогоор 743 ш-г борлуулаад байна
8. VX загварууд хар өнгийн цонхны шилтэй болгосон
9. GX.R petrol high V6, AT загварыг арьсан суудалтай болгосон
10. GX.R petrol high V6, AT загвар суудлын удирдлагатай болгосон
11. GX.R petrol high V6, AT загвар 6 шатлалт хурдны хайрцагтай болсон
12. Бүх LC200-н толь гадна болон дотор талаас дэлгэж, хумьдаг болсон
13. Бүх загварын түлхүүрийн case өөрчлөгдсөн
14. GX.R diesel AT загвар хайлшин обудтай болгосон
15. GX.R diesel AT загвар урд хойд зайн мэдрэгчтэй болгосон
16. VX high, VX low загваруудад хойд манангийн гэрэл нэмсэн
17. VX high загварт багаажны хаалга нээх мэдрэгч нэмэгдсэн
18. Дагалдаж ирдэг хивсэнцэр шалавчийг резин шалавчаар сольсон
19. LC200 VX.R загварыг үйлдвэрээс борооны хаалттай болгосон
20. VX diesel high, VX petrol high загварын автомашиныг 18 инчийн обуд, дугуйтай болгосон
21. GX.R petrol high V6, AT арьсан суудалтай загварыг лебёдкагүй болгосон
22. LC Prado 150 diesel 3.0L, AT болон LC Prado 150 petrol 2.7L AT загварын автомашиныг LED бүхий ксенон их гэрэл, 18 инч обудтай болгосон 
23. GX.R diesel MT загварт ухрах камер нэмсэн
24. GX.R petrol high V6, AT (Urban style) хотын загвар 10-р сараас шинээр оруулж ирэхээр болж эхний 22 ш автомашинд захиалга авч байна
25. VX.R загварт зарим өөрчлөлт нэмсэн New Era загварыг 10-р сараас шинээр оруулахаар болж эхний 3 ш автомашинд захиалга авч байна

- Хөөцөлдөж байгаа зүйлс:
1. Бүх LC200 загварын хаалганы бариулыг никель болгох
2. Бүх LC200 загварт гуперийн гишгүүрийн хамгаалалт төмөр нэмэх
3. Бүх LC200 загварыг үйлдвэрээс борооны хаалттай болгох
4. Бүх LC200 загварт engine starter нэмэх
5. Бүх LC200 загварт түлхүүрээс цонх нээх хаах функц нэмэх

- Урамшуулалд Bridgestone-ий дилерийнхээ хувьд 4 ш өвлийн дугуй дагалдуулдаг байсан бол:
1. АНУ-н Weathertech-н дилер болж шалавч дагалдуулж байна
2. АНУ-н TracGrabber-н дилер болж элс, цас, шавраас гаргагч дагалдуулж байна
3. АНУ-н 3M-н дилер болсон ба GX.R-т цонхны хар хальс 9-р сараас наана, 12-р сараас гадар хамгаалалтын эдгэдэг хуулга наана
4. Австралийн EGR-н дилер болж цонхны хаалт, борооны хаалт дагалдуулж байна. Нэг удаа ирээд дууссан их гэрлийн хаалт удахгүй ирнэ
5. Оросын Arctic Trucks-н дилер болж агаарын хоолой авчирч өмнө нь автомашин авч байсан хэрэглэгчиддээ борлуулж байна
6. Испанийн Braid-н дилер болж 1 удаагийн ачилтаар 635 ш обуд авчирч өмнө нь автомашин авч байсан хэрэглэгчиддээ борлуулсан
7. Италийн O.Z racing-н дилер болж LC200 обудны хөгжүүлэлт хамтран хийж байна
8. Солонгосын BlackVue-н дилер болж автомашины хар хайрцгийг өмнө нь автомашин худалдаж авсан хэрэглэгчиддээ санал болгож байна
9. Японы Yuasa-н дилер болж аккумулятор борлуулж байна
10. Японы Bridgestone-ий дилерийн хувьд LC200-д суурилагдаж ирдэг Dunlop нэрийн засмал зуны дугуйг Bridgestone-ий бүх төрлийн замын зуны 5 ш дугуйгаар сольж LC200-г борлуулж байна

1. Арын нэмэлт нөөц дугуйг багаажны хаалганаас салгаж, бензин банкны доор зүүсэн
2. Үйлдвэрлэгчийн баталгааг 100,000 км / 3 жил болгосон
3. 2.7L, 3.0L загваруудыг хромдсон, 12 салаа хайлшин обудтай болгосон
4. 2.7L, 3.0L загваруудыг гоёлын LED бүхий ксенон их гэрэлтэй болгосон
5. Дагалдаж ирдэг хивсэнцэр шалавчийг резин шалавчаар сольсон

- Асуулт 3: Евро стандартын LC200 байгаа юу?
Хариулт: Бид Европын бүсийн улс биш, Евро5 стандартын шатахуун орон даяар борлуулагддаггүй тул манайд Евро стандартын автомашин нийлүүлэгддэггүй, харин General spec стандартын автомашинууд байдаг. 
Европын, Японы, Хойд Америкийн, Австралийн, Булангийн орнуудын, Хятадын, Ерөнхий стандартын автомашинууд гэж байх ба үндсэндээ шатахууны стандарт болон цаг агаар, замын нөхцөл байдал дээр суурилж хоорондоо жижиг ялгаатай, тэрнээс ямар ч тоноглолыг тухайн бүсийн дистрибьютороос захиалаад хийлгэж болно. 2016 загварын Евро стандартын LC200 үндсэндээ орж ирдэггүй, яриа төдий байдаг ба шалтгаан нь Японд үйлдвэрлэгдээд усан онгоцонд ачигдаж Аляск орчимд Берингийн хоолойгоор дамжиж Хойд мөсөн далайгаар тээвэрлэгдээд Европт очно. Гол зах зээл болох Герман болон Орос руу түгээгдээд тэндээс буцаагаад нааш зөөнө, давхар татвар тээвэр гээд өртөг өндөр, цаг хугацаа орно, үйлдвэрлэгчийн баталгаа байдаггүй, тив дэлхий хий тойрсон бизнесийг бид хийх боломжгүй, албан ёсоор хийх бүр боломжгүй.
Араб-с урсгал мөн адил Японоос ачигдаад Сингапур, Энэтхэгийг тойрч очно, буцааж контейнерт хийгээд ирсэн замаараа яваад Монголд ирнэ, гол нь халуун бүсийн автомашин. LC200-н жилдээ 120.0 мянган ш үйлдвэрлэгдэж борлуулагддаг ба манай компанийн хувьд 2018 онд 1,516 ш-г борлуулсан.

Асуулт 2: Хятадад үйлдвэрлэгдсэн LC200 оруулж ирдэг гэж бусдаас сонслоо, энэ үнэн үү? 
Хариулт: Таван Богд ХХК нь 2013.03-р сараас Toyota-н албан ёсны дилерээр ажиллаж байгаа, суудлын шинэ автомашины зах зээлд дангаар 55%-н share-тэй компани юм. 
LC200-г Европ, Америк, Араб зэрэгт үйлдвэрлэггүй ба Японд Nagoya-д Yoshiwara (Toyota Auto Body Co.,Ltd) болон Tahara гэсэн 2 үйлдвэрт үйлдвэрлэдэг. Хятадад LC200-г цөөн тоогоор Sichuan FAW Toyota Motor Co.,Ltd-д үйлдвэрлэдэг хэдий ч энэ нь Хятадаас гадагш экспортолдоггүй, зөвхөн дотоодын зах зээлд нь зориулагдсан үйлдвэрлэл юм.
1. Toyota-н Япон дахь үйлдвэрлэл
http://newsroom.toyota.co.jp/…/companyinforma…/manufacturing
2. Toyota-н Олон улс дахь үйлдвэрлэл
http://newsroom.toyota.co.jp/…/corporate/companyi…/worldwide 
Мөн Японд үйлдвэрлэгдсэн автомашины арлын дугаар J үсгээр эхэлнэ, Хятадад үйлдвэрлэсэн бол арлын дугаар L үсгээр эхэлнэ. 
https://en.m.wikipedia.org/wi…/Vehicle_identification_number
Японд үйлдвэрлэгдсэн манай автомашинуудын гарал үүслийн гэрчилгээ дээр үндэслэж Монгол Японы Эдийн засгийн түншлэлийн хэлэлцээрийн дагуу Гаалийн 5%-н албан татвар тэглэгддэг. Бензин 4.5L-с дээш хөдөлгүүр бүхий 4 загвар дээр жил бүр 0.45%-иар буурч Гаалийн албан татвар хөнгөлөгддөг.
http://www.mfa.gov.mn/…/-----------------------------------…

Асуулт 1: Банкны зээлийн хүү хэт өндөр байна
Хариулт: Банк бол санхүүгийн зуучлагч байгууллага юм. Банк зээл гаргах эх үүсвэрээ хадгаламжаар бүрдүүлэх ба тэдний зээлийн хүү нь хадгаламжийн хүүгээс шууд хамааралтай. 
Ж нь: Та 200.0 сая төг-н автомашин авахын тулд 10%-н урьдчилгаа төлөөд, үлдэх төлбөрт 180.0 сая төг-н Автомашин барьцаалсан зээл авна. 8 жилийн хугацаанд сарын 1.25%, жилийн 15.0%-н хүүгээр хэсэгчлээд 130.1 сая төг-н хүүг банкинд төлнө. Нөгөө талд хадгаламж эзэмшигчид 8 жилийн хугацаанд жилийн 14.0%-н хүүгээр, хүүгээс хүү тооцуулаад 368.5 сая төг-н хадгаламжийн хүү авна. Иймд Хадгаламжийн хүү, Бодлогын хүү, Засгийн газрын үнэт цаасны хүү зэрэг зах зээлийн суурь хүүнүүд буурч байж зээлийн хүү өнөөдрийн түвшинээс буурах боломжтой, одоогоор Автомашин барьцаалсан зээлийн хүү 1.25%-с буурах ямар ч боломжгүй юм.
https://www.khanbank.com/mn/personal/product/76
https://www.khanbank.com/mn/personal/product/10
https://www.xacbank.mn/calculator
http://www.tdbm.mn/mn/calculator
Манай компанийн хувьд Автомашин барьцаалсан зээлийн хүүг бууруулах, бусад нөхцлүүдийг сайжруулахын тулд сүүлийн 3 жилд санаачлагатай ажилласанаар өнөөдөр энэ төрлийн зээлийн хүү, нөхцөл голлох банкууд дээр эрс сайжирсан байгаа:
- Хаан банк
Хүү 1.25%, хугацаа 8 жил, урьдчилгаа 10%, зээл олголтын шимтгэл 0 төг, утас: 7577-7880
- ХасЛизинг ХХК (LC200 загварт)
Хүү 1.3%, хугацаа 8 жил, урьдчилгаа 10%, зээл олголтын шимтгэл 0.3%, утас: 9907-3308
- Голомт банк
Хүү 1.3%, хугацаа 8 жил, урьдчилгаа 20%, зээл олголтын шимтгэл 0.5%, утас: 9999-0698
- Худалдаа хөгжлийн банк
Хүү 1.4%, хугацаа 7 жил, урьдчилгаа 10%, зээл олголтын шимтгэл 0.4% (дээд хязгаар 400,000 төг), утас: 9910-5201

Түүхэнд, өнгөрсөн зууны 84 онд, 25 жилийн түүхтэй Land Cruiser 40 цувралын (J40) ажлыг үргэлжлүүлэхээр бий болсон гэж тэмдэглэжээ. Зөвшөөрөгдөх газар нутгийг нэрлэвэл АНУ, Мексик, Энэтхэг, Бразил, Солонгосоос бусад нь. Үнэнч хэрэглэгчдийг нь эрэмбэлвэл:
1. Цэрэг, армийнхан
2. Уул уурхайчид
3. Адал явдал эрэлхийлэгчид (тэдгээрийн ихэнх нь эрчүүд)

Үзэмж нь ойлгомжгүй J70 -ыг тав тух аюулгүй байдлыг эрхэмлэгч бусад цувралууд шиг нь албан ёсоор танилцуулаагүй, гэхдээ тэр гомдоогүй байх, ер нь тийм юм болдгийг мэдээ ч үгүй байх.
Цахилгаан хэрэгсэл маш бага, их биеийн доор хөндлөн холбоосуудаар шаталж хийсэн рамтай, тэр нь их хөшигдвөл туялзаж болох ч буцаад байрандаа ордог, хөдөлгүүрийн хажуугаар механикийн гар багажтайгаа хамт чөлөөтэй багтдаг. Тос, түлш, жолооч 3-ыг голдоггүй.
Дизайнерууд биш инженерүүд хийсэн байх, хийхдээ тавьсан #1 зорилго нь "эвдэрдэггүй, эвдэрвэл амархан засварлагддаг байх” байсан бололтой.
Мэдээж бусад Land Cruiser шигээ бартааг туулж бэрхийг давах тал дээр бол ярих юм байхгүй.
Бас найдвартай, чадна гэсэн бол чадна, чадахгүй бол чадахгүй. Асна, явна, хүсвэл жаахан хурдан явна тэгээд зогсоовол зогсоно. Хянах дэлгэц дээр шатахууны шараас өөр янз бүрийн "түгшүүртэй" гэрэл байхгүй тул асахгүй.
Ер нь дутуу юм зөндөө ч илүү юм байхгүй. Кабин доторх цөөхөн хэдэн товчлуурууд нь ажлын бээлийгээ тайлахгүйгээр хэрэглэхэд зориулсан хол хол зайтай, том, энэ нь өвөл их зүгээр.
Өдгөө 33-ных нь жил орж байгаа түүнд үйлдвэрийн болоод aftermarket-сайжруулсан сэлбэгүүд зөндөө. Түүнд дурлагсад мөнгө хайрлахгүй тоноглоно. Энэ тал дээр Австрали хамгийн мундаг нь. Нисэхийн Баяраа гэх ах хүү Африкаас шинэ LC79 D/C GXL-г Австрали руу ачуулж тоноглуулаад Монголд авч ирсэн нь Австралийн ТВ-ээр гараад л.

2010 онд Оюу толгойд очиход, тэндээ 10 жил болсон Land Cruiser 78 Troop Carrier гэгчийг унаарай гээд өгч байлаа. 10 жил болсон гэхэд муудсан юм байхгүй ч хэтэрхий энгийн тул таалаж дурласан юм байсангүй. Надтай хамт очсон мэргэжилтэнд цоо шинэ америк 4x4 өгсөн. Үнэндээ бидэнд өгсөн нэртэй боловч бүгд л унадаг, олон гар дамжуулж хэрэглэцгээдэг байлаа. ОТ-д аюулгүй байдал чанга, ажлын цагаар автомашиныг онгорхой, түлхүүрийг зоолттой үлдээх ёстой, уурхайд нэвтэрсэн бол хөдөлгүүрийг унтраахгүй асаалттай байлгах ёстой гэх мэт. Ер нь бол хүнтэй, машинтайгаа 24/7 ажилладаг байсан.
Жилийн дараа нөгөө америк 4x4 бараг салж унасан байхаа. Харин надад өгсөн LC78 яг хэвээрээ л, муудсан ч юм байхгүй, сайжирсан ч юм байхгүй. Сүүлд би ОТ-оос бүр буцахад онгоцны буудал дээр LC78 -аа асаалттай орхино, дараагийн мэргэжилтэн онгоцноос надтай зөрж буугаад уурхай руу буцаад унаад орох ёстой. Хаха, үнэн уйтгартай тийм ээ.
Дизель хөдөлгүүр нь нак нак, нак нак гэж зогсох, эргэж хархад ямар ч сэтгэл хөдлөл төрүүлдэггүй энэ сонин машиныг түүнээс хойш өөрөөр хардаг болж билээ.

“Toyota Land Cruiser автомашины төрөлх нутаг” гэж яригддаг Yoshiwara үйлдвэрийн тухай танилцуулгыг хүргүүлж байна.

Yoshiwara үйлдвэр нь Toyota Group-н Toyota Auto Body Co.,Ltd-н гол үйлдвэрүүдийн нэг бөгөөд анх 1962 онд нээгдэж Land Cruiser FJ series-г үйлдвэрлэж эхэлсэн байна.
Манай Монголын хэрэглэгчдийн итгэлийг олсон Toyota LC200 загварын автомашины Япон дахь үйлдвэрлэлийн 70% нь Aichi мужийн Toyota хот дахь Yoshiwara үйлдвэрт, 30% нь мөн Aichi мужийн Tahara хот дахь Tahara үйлдвэрт үйлдвэрлэгддэг.
Yoshiwara үйлдвэр өдөрт 2 ээлжээр нийт 3,185 ажилтан ажилладаг ба Land Cruiser 200 автомашиныг өдөрт 642 ш-г үйлдвэрлэн гаргадаг байна.
Хуйлаастай төмрөөс эхлэн хэв гаргах хэсгээр дамжин автомашин үйлдвэрлэгдэж эхлэх ба загвараас шалтгаалан 2-4 хоногийн дараа анх орсон төмөр маань бүтэн автомашин болж гардаг.
Үйлдвэрээс 90 сек тутамд 1 ш Land Cruiser 200 автомашиныг үйлдвэрлэн гаргадаг нь гайхалтай.
Yoshiwara үйлдвэр нь Land Cruiser 200 автомашиныг угсрах даа 95%-г бүрэн автомат роботоор, 5%-г гар аргаар угсран үйлдвэрлэдэг ба энэхүү автомашин нь нийт 8,000 орчим эд ангиас бүрддэг бүрддэг байна.
Land Cruiser Yoshiwara үйлдвэр нь бүх дэлхийн хэмжээнд борлуулагдаж байгаа Lexus LX570 автомашиныг үйлдвэрлэн гаргадаг цорын ганц үйлдвэр юм.

goo.gl/qguhN1

Сүүлийн 3 жилийн хугацаанд манай Toyota-Tavan Bogd /Таван Богд ХХК/ хуудасны like-н тоо 240К болж өссөн байна.
Өдөр тутмын болон цаашид хийж хэрэгжүүлэх ажлын тухай мэдээллийг энэхүү хуудсаараа дамжуулан тасралтгүй хүргэж байх болно. Like дарсан FB хэрэглэгчиддээ баярлалаа.

https://www.facebook.com/ToyotaTavanBogd/

Оригналь наклад ба тухайн наклад үйлдвэрлэгчийн лицензээр бүх шаардлагыг хангасан наклад сонгохыг зөвлөж байна. Манай орны зах зээлд борлуулагдаж буй нийт накладны 80% нь Хятад улсаас орж ирдэг дууриамал сэлбэг байдаг.

Хуурамч накладны сөрөг үр дагаварууд:
-Дууриамал накладтай автомашины дугуй болон обуд нь харалсан байдаг ба автомашины тормоз ачааллын үед 400-700 градус хүртэл халдаг
-Оригналь наклад дор хаяж 3 жил болдог бол дууриамал наклад жил хүрэхгүй хугацаанд элэгддэг.
-Хямд үнэтэй хэдий ч чанаргүй.
-Тоормозлох үед хэт бутрамтгай материалаар хийгддэг хуурамч накладнаас гарах үртэс цонх онгорхой явах үед машины салхиар дамжин кабинд орж ирэн, амьсгалах явцад уушгаар дамжин хүний биед орж эрүүл мэндэд сөргөөр нөлөөлөх ба цаашлаад хорт хавдар үүсгэх аюултай хэмээн үздэг. Жишээ нь: Европын холбооны улсуудад хуурамч накладыг хийсэн материал хүний биед маш их хор нөлөөтэй учир худалдаалахыг хориглосон байна.
-Хуурамч наклад ачааллын үед хэт халснаар ачааллаа дийлэхгүй халж, улмаар автомашин тоормосны зам уртасдаг байна. Ингэснээр зам тээврийн осол гарах нэг шалтгаан болдог байна.